୧. ଆସ ଉତ୍ତର କହିବା।
(କ) ବିଦେଶୀମାନେ ଆମ ଦେଶରୁ କ’ଣ ବୋହିନେଲେ ?
ଉତ୍ତର: ବିଦେଶୀମାନେ ଆମ ଦେଶରୁ ଧନ ବୋହିନେଲେ।
(ଖ) ବିଦେଶୀମାନଙ୍କୁ ବାଧା ଦେଲେ ସେମାନେ କ’ଣ କରୁଥିଲେ ?
ଉତ୍ତର: ସେମାନେ ଗୁଳି ବନ୍ଧୁକ ଦେଖାଇ, ଚାବୁକ ପାହାର ଦେଇ ଦମନ କରୁଥିଲେ।
(ଗ) ସ୍ଵାଧୀନତା ସୈନିକମାନେ କ’ଣ କରୁଥିଲେ ?
ଉତ୍ତର: ସ୍ଵାଧୀନତା ସୈନିକମାନେ ହସିହସି କାରାବରଣ କରୁଥିଲେ।
(ଘ) ବୀରକିଶୋର କାହିଁକି କବିତା ଲେଖୁଥିଲେ ?
ଉତ୍ତର: ଗୋରା ଶାସକଙ୍କ ଦମନ ଲୀଳା ଦେଖି ତାଙ୍କ ମନ ଅଥିର ହୋଇଥିଲା, ସେଥିପାଇଁ ଜାତୀୟତା ଜାଗ୍ରତ କରିବାକୁ ସେ କବିତା ଲେଖୁଥିଲେ।
(ଙ) କେଉଁମାନେ ବାନରସେନା ସାଜିଥିଲେ ?
ଉତ୍ତର: ପିଲାମାନେ ବାନରସେନା ସାଜିଥିଲେ।
୨. କବିତାର ଯେଉଁ ପଦରେ ଉତ୍ତର ଅଛି, ତାକୁ ଖୋଜିବା ଏବଂ ଆବୃତ୍ତି କରିବା।
୧) କେଉଁ କଥାଟି ବୀରକିଶୋରଙ୍କ ମନକୁ ଅଥିର କଲା ?
ଉତ୍ତର:
“ଗୋରା ଶାସକଙ୍କ ଦମନ ଲୀଳା
ମନକୁ ତାଙ୍କର ଅଥିର କଲା।”
୨) ବାନରସେନାମାନେ କିଭଳି ବାହାରିଲେ ?
ଉତ୍ତର:
“ସାଜିଲେ ପିଲାଏ ବାନରସେନା
ବାହାରିଲେ ଧରି ତ୍ରିରଙ୍ଗା ବାନା।”
୩) ଗୋରା ସରକାର ଶେଷରେ କ’ଣ କଲେ ?
ଉତ୍ତର:
“ଥରିଲା ଶେଷରେ ବିଦେଶୀ ଛାତି
ଆଉ ନ ରହିଲେ ଗୋଟିଏ ରାତି।
ଛାଡ଼ି ପଳେଇଲେ ଭାରତ ଭୂଇଁ
ତେର ନଈ ସାତ ଦରିଆ ଡେଇଁ।”
୩. ତଳ ପଦ୍ୟାଶକୁ ସଜାଡ଼ି ଲେଖ।
ଥରିଲା ଛାତି ବିଦେଶୀ ଶେଷରେ
ରାତି ରହିଲେ ଗୋଟିଏ ନ ଆଉ।
ଉତ୍ତର:
ଶେଷରେ ବିଦେଶୀ ଛାତି ଥରିଲା,
ଆଉ ଗୋଟିଏ ରାତି ନ ରହିଲେ।
୪. ଏହି ପଦଟିରୁ ତୁମେ ଯାହା ବୁଝୁଛ, ନିଜ ଭାଷାରେ ଲେଖ।
ଗୋରା ସରକାର ବନ୍ଧୁକ ଗୁଳି
କବିତା ଶକତି ତା’ ଠାରୁ ବଳି ।
ଉତ୍ତର: ବନ୍ଧୁକ ଓ ଗୁଳି ଦେଇ ଲୋକଙ୍କୁ ଡରାଇ ପାରିଲେ ବି, କବିତା ଲୋକଙ୍କ ମନରେ ସାହସ ଓ ଜାତୀୟତା ଜାଗାଇ ଦିଏ। ସେଥିପାଇଁ କବିତାର ଶକ୍ତି ବନ୍ଧୁକ ଗୁଳିଠାରୁ ବଡ଼।
୮. ଚିତ୍ର ସହ ସମ୍ପର୍କିତ ପଦ ଲେଖ।
ଉତ୍ତର:
“ସାଜିଲେ ପିଲାଏ ବାନରସେନା
ବାହାରିଲେ ଧରି ତ୍ରିରଙ୍ଗା ବାନା।”
ନିଜ ଅଞ୍ଚଳର ସ୍ଵାଧୀନତା ସଂଗ୍ରାମୀମାନଙ୍କର ତାଲିକା ଲେଖ।
ଉତ୍ତର: ଗୋପବନ୍ଧୁ ଦାସ, ବାଜି ରାଉତ, ଲକ୍ଷ୍ମଣ ନାୟକ, ବୀର ସୁରେନ୍ଦ୍ର ସାଏ, ହରେକୃଷ୍ଣ ମହତାବ, ମଧୁସୂଦନ ଦାସ।
ଗୋରା ସରକାରଙ୍କ ବିରୋଧରେ ଲୋକଙ୍କୁ ଏକଜୁଟ କରିବାପାଇଁ ଯେଉଁମାନେ କବିତା ଲେଖୁଥିଲେ, ସେମାନଙ୍କର ନାମ ଲେଖ।
ଉତ୍ତର: ରବୀନ୍ଦ୍ରନାଥ ଠାକୁର, କାଜୀ ନଜରୁଲ ଇସ୍ଲାମ, ସୁବ୍ରମଣ୍ୟ ଭାରତୀ, ବଙ୍କିମଚନ୍ଦ୍ର ଚଟ୍ଟୋପାଧ୍ୟାୟ, ଗୋପବନ୍ଧୁ ଦାସ।
୯. ଗଦ୍ୟ ରୂପ ଲେଖ।
ରକତ – ତପତ – ଭକତ –
ଉତ୍ତର:
ରକତ – ରକ୍ତ
ତପତ – ତପ୍ତ
ଭକତ – ଭକ୍ତ
୧୦. ଏକା ଅର୍ଥ ବୁଝାଉଥିବା ଶବ୍ଦକୁ ସଂଯୋଗ କର।
ରାଜତ୍ୱ, ବିଭବ, ଭୂଇଁ, ସମ୍ପଦ, ମାଟି, ଶାସନ, ଆସ୍ତେ, ଧୀରେ
ଉତ୍ତର:
ରାଜତ୍ୱ – ଶାସନ
ବିଭବ – ସମ୍ପଦ
ଭୂଇଁ – ମାଟି
ଆସ୍ତେ – ଧୀରେ
୧୧. ବୀରକିଶୋରଙ୍କୁ କାହିଁକି ‘ଜାତୀୟ କବି’ କୁହାଯାଇଛି ?
ଉତ୍ତର: ବୀରକିଶୋର ଦେଶର ଦୁଃଖ, ଶୋଷଣ ଓ ବିଦେଶୀ ଦମନକୁ ଦେଖି ଜାତୀୟତାର ଗୀତ-କବିତା ଲେଖି ଲୋକଙ୍କୁ ସ୍ଵାଧୀନତା ସଂଗ୍ରାମ ପାଇଁ ଉତ୍ସାହିତ କରିଥିଲେ। ସେଥିପାଇଁ ତାଙ୍କୁ ‘ଜାତୀୟ କବି’ କୁହାଯାଇଛି।